جازان (صباح نیوز) سعودی عرب کے شہر جازان میں طبی غلطی کے باعث مرنے والے پاکستانی کے لواحقین کو 3 لاکھ ریال دیت دینے کا حکم دیا گیا۔ سعودی میڈیا کے مطابق چند برس قبل جازان ریجن کے ایک اسپتال میں ڈاکٹر کی غفلت کے سبب ایک پاکستانی کی موت واقع ہو گئی تھی جس پر سعودی حکومت کی جانب سے مرنے والے کے لواحقین کو 3 لاکھ ریال دیت کے طور پر دینے کا حکم دیا گیا ہےسعودی میڈیا کے مطابق میڈیکل کمیٹی نے قتل خطا کی مد میں ڈاکٹر اور اسپتال کے مالک کے خلاف فیصلہ دیا ہے۔ واضح رہے کہ چند برس قبل جازان ریجن کے ایک اسپتال میں عرب ڈاکٹر کی غلطی سے پاکستانی مریض فوت ہو گیا تھا۔
