ایشیاکپ، بھارتی انکار پر پی سی بی کا ردعمل آگیا

263

پی سی بی نے بھارت کی جانب سے ایشیا کپ پاکستان میں کھیلنے سے انکار پر ردعمل دیتے ہوئے کہا ہے کہ ایونٹ کے وینیو کا حتمی فیصلہ ایشین کرکٹ کونسل کے اجلاس میں  کیا جائے گا۔

ترجمان پی سی بی کے مطابق پاکستان ایشین کرکٹ کونسل کا رکن ہے اور اس بار اے سی سی کی میزبانی پاکستان کو دی گئی ہے، کونسل کا اجلاس 3 مارچ کو دبئی میں ہوگا جس میں ایشیا کپ پاکستان میں کروانے یا نیوٹرل مقام پر ہونے کا فیصلہ کیا جائے گا۔

ترجمان نے کہا کہ پاکستان میں ایشیاکپ کے لیے بھارتی ٹیم کی آمد ناممکن دکھائی دے رہی ہے تاہم نیوٹرل مقام پر ایونٹ کے انعقاد کا فیصلہ 3 مارچ کو کیا جائے گا۔

واضح رہے کہ بھارتی بورڈ کے صدر سارو گنگولی نے ایشیا کپ کے لیے ٹیم پاکستان بھیجنے سے صاف انکار کرتے ہوئے کہا تھا کہ بھارتی ٹیم ایونٹ میں شرکت کے لیے پاکستان نہیں جائے گی۔