مولابخش چانڈیو کا کہنا ہے کہ عمران خان پاکستان میں شارٹ کٹ سیاست کی بد نما علامت ہیں۔
پاکستان پیپلزپارٹی کے ترجمان مولابخش چانڈیو نے کہا ہے کہ محکمہ ریلوے تباہ کرنے والے شیخ رشیداپنی ناقص کارکردگی نہیں چھپاسکتے، شیخ رشید بتائیں ریلوے کی تباہی کیسے ہوئی؟
انہوں نے کہا کہ شہید بھٹو پر انگلی اٹھانے سے پہلے شیخ رشید اپنا کردار دیکھیں، وزیر ریلوے کو سرخیوں میں جگہ بنانے کی فکر ہے، شیخ رشید سیاست دانوں کی کردارکشی بند کریں۔
مولا بخش چانڈیو نے وزیر اعظم عمران خان کو شدید تنقید کا نشانہ بناتے ہوئے کہا کہ عمران خان پاکستان میں شارٹ کٹ سیاست کی بد نما علامت ہیں،عوام عمران خان سے انکےجھوٹےدعوؤں کاحساب لیناچاہتےہیں۔
انہوں نے مزید کہا کہ شیخ رشید عمران خان کے ترجمان بننے کے بجائے انہیں سامنے لائیں۔
