استنبول : درلش ارتغرل نے ترکی سمیت دنیا بھر میں کامیاب ڈراموں کی کمائی کے تمام ریکارڈ توڑ دئیے۔
انٹر پریس میڈیا سروسز کی ایک تحقیق کےمطابق ترکش ڈرامہ انڈسٹری تیزی سے ترقی کے منازل طے کررہی ہے وہیں لگ بھگ 100 سے زائدممالک میں ترکش ڈرامے دیکھے جارہےہیں اورترکی میں انکی آمدنی 500 ملین ڈالر کی آمدن کے ساتھ امریکا کے بعد دوسرے نمبر پر ہے۔
تحقیقی کے مطابق دنیا بھر میں ترکی کے ڈرامے دیکھنے کی شرح سب سے زیادہ ہے جبکہ خود امریکہ میں حالیہ برسوں کے دوران خاص طور پر ترکی سوپ اوپیرا ڈرامے دیکھے جارہے ہیں جو ان ممالک میں سب سے زیادہ دیکھے جانے والے15 ڈراموں میں بھی شامل ہیں جبکہ ڈراموں کیلئے ترکی ان لوگوں کی ذہن سازی میں اہم کردار ادا کررہا ہے ۔
ترکی نے برازیل اور میکسیکو جیسے ممالک کو اس دوڑ میں پیچھے چھوڑ دیا ہے جن کے ڈرامے کبھی بہت مشہور تھے لیکن اب لوگوں کی توجہ حاصل کرنے میں ناکام ہیں تاہم ان ممالک کے افراد ترکش ڈراموں کی طرف مائل ہورہےہیں۔
تحقیقاتی رپورٹ کے مطابق زیادہ تر مشرق وسطیٰ کے ممالک بھی ترکش ڈراموں کو پسند کرتے ہیں اور دیکھتے ہیں جبکہ ترک ڈرامہ انڈرسٹری کا نیا ہدف چین، جاپان اور ہندوستان ہیں۔
دوسری جانب ترک ڈراموں کے حوالےسے اب تک 10 ہزار 672 خبریں ترک ڈراموں کے حوالے سے شائع ہوئی ہیں۔
اولو ٹی وی کی تحقیق کے مطابق دنیا میں سب زیادہ دیکھےجانے والا ڈرامہ مہتشم یوزیل تھاجو 16 ویں صدی کے عثمانی سلطان سلیمان کی قانونی زندگی کے گرد بنایا گیا تھا جبکہ درلش ارتغرل نے 2019 میں اس ڈرامے کو پیچھے چھوڑتے ہوئے پہلا مقام حاصل کرلیا ہےجو دنیا بھر میں 177 ممالک میں دیکھاجاچکا ہے۔
دنیا میں سب سے دیکھے جانے والے ڈراموں درلش ارتغرل کے تسلسل میں آنے والی ٹی وی سیریز کورولس عثمان 6 نمبر پر موجود ہے۔
رپورٹ میں دعویٰ کیا ہے کہ درلش ارتغرل ترکی مین سب سے زیادہ منافع کمانے والی ٹی وی سیریزہے۔