وزیراعظم عمران خان نے خالد جاوید خان کو نیااٹارنی جنرل بنانے کی منظوری دیدی۔
تفصیلات کے مطابق وزیراعظم عمران خان نے نئے اٹارنی جنرل خالد جاوید خان کی تقرری کے لیے سمری ارسال کرنے کی ہدایت کرتے ہوئے کہا ہے کہ سمری آج ہی بھیجے کی جائے۔
خالد جاوید خان پہلے بھی اٹارنی جنرل کی ذمہ داریاں نبھا چکے ہیں۔
واضح رہے کہ عدالت عظمیٰ کے ججز کے خلاف الزام لگانے پر حکومت نے اٹارنی جنرل آف پاکستان انور منصور خان سے استعفا لے لیا تھا، اٹارنی جنرل آف پاکستان انور منصور خان عہدے سے مستعفی ہوگئے تھے۔ انہوں نے استعفا صدر مملکت عارف علوی کو بھجواتے ہوئے فوری قبول کرنے کی درخواست کی۔