ریٹائرڈ ایمپلائز یونٹی آف پاکستان اسٹیل کے زیر اہتمام ریٹائرڈ ملازمین کے واجبات کے لئے جاری جدوجہد کے سلسلے میں آج چیف جسٹس آف پاکستان کی سپریم کورٹ رجسٹری میں آمد کے موقع پر پاکستان اسٹیل کے ریٹائرڈ سینکڑوں ملازمین نے سپریم کورٹ کے سامنے مظاہرہ کیا۔
مظاہرین ریٹائرمنٹ واجبات کی 2013 سے عدم ادائیگی کے خلاف مظاہرہ کررہے تھے انہوں چیف جسٹس آف پاکستان واجبات کی ادائیگی کے احکامات جاری کرنے کے مطالبات پر مشتمل بینرز اور پلے کارڈز بھی اٹھائے ہوئے تھے اس موقع پر ملازمین کی جانب سے اپیل بھی سپریم کورٹ میں جمع کروائی گئی
جس میں واجبات کی عدم ادائیگی کا نوٹس لینے اور ادائیگی کے احکامات صادر کرنے کی درخواست کی گئی ۔مظاہرین سے اظہار یکجہتی کے لئے ایم کیو ایم کے رہنماجناب فاروق ستار اور پیپلز پارٹی کے رہنما جناب نجمی عالم بھی شریک ہوئے اورمظاہرین کے مطالبات کے حق میں اپنا کردار ادا کرنے کا وعدہ کیا۔مظاہرے کی قیادت ایمپلائز یونٹی کے کنوینر عبدالوحید، راﺅ ذوالفقار، مرزا مقصود، نذیر جان، نمیر اعظم۔شیخ محمد ہاشم نے کی