جرمنی:فائرنگ سے ہلاک افراد میں 5 ترک شہری شامل

134

جرمنی کےشہر ہناؤ میں فائرنگ کے دو مختلف واقعات میں 9 افراد ہلاک جبکہ 4 زخمی ہو گئے تھے۔

غیر ملکی میڈیا کے مطابق جرمنی کے شہر ہناؤ میں43 سالہ جرمن شہری نےدو مختلف شیشہ بارز میں  فائرنگ کرکے 9 افراد کو ہلاک جبکہ 4 کو زخمی کردیا۔حملہ آور جائے وقوعہ سے فرار ہونے میں کامیاب ہوگیا۔

جرمن پولیس حکام کےمطابق فائرنگ کے واقعے میں ملوث مشتبہ شخص اور اس کی ماں  اپنے فلیٹ میں مردہ حالت میں پائے گئے ،حکام کا کہنا ہے کہ واقعے کےبعد ملزم نے مبینہ طور پر خود کشی کرلی،دونوں لاشوں کو قبضے میں لے کر تحقیقات شروع کردی گئی ہیں۔

رپورٹ کے مطابق مرنے والے افراد میں سے 5 کا تعلق ترکی سے تھا،اس حوالے سے ترک صدر طیب اردوان نے  واقعے کی مذمت کرتے ہوئے جرمن حکام سے مطالبہ کیا ہے کہ وہ حملے کی شفاف تحقیقات کو یقینی بنائیں۔

جرمن چانسلر اینجلا مرکل نے واقعے کی مذمت کرتے ہوئے کہا ہے کہ اس بات کے  متعدد اشارے ہیں کہ یہ واقعہ نشل پرستی کا شاخسانہ ہے۔