سمندری پانی سے برف بنانے کا پاکستان کا پہلا منصوبہ

103

کراچی(اسٹاف رپورٹر)فشر مینز کوآپریٹو سوسائٹی اور چینی کمپنی فجیان فشریز کے درمیان اہم معاہدے ہو گئے ہیں۔تفصیلات کے مطابق فشر مینز کو آپریٹو سوسائٹی اور چینی کمپنی کے درمیان سی فوڈ پروسیسسنگ پلانٹ، سمندر کے پانی سے برف بنانے والی فیکٹری، چھوٹے ماہی گیروں کے لیے فائبر کی جدید کشتیوں کی فراہمی اور ٹریننگ سمیت اہم معاہدوں پر دستخط ہو گئے ہیں،

معاہدوں پر فشر مینز سوسائٹی کے چیئرمین عبدالبر اور چینی فجیان فشریز آف چائنا کے چیئرمین زہنگ شوئی منگ نے دستخط کیے۔ چیئرمین فجیان فشریز نے میڈیا بریفنگ میں کہا کہ مشترکہ منصوبوں سے پاک چین دوستی کا رشتہ مزید مضبوط ہوگا،

زہنگ شوئی منگ کا کہنا تھا کہ ایف سی ایس اور فجیان فشریز کے جدید ترین آلات کی فراہمی کے مشترکہ منصوبوں کے بعد پاکستانی ماہی گیری صنعت میں انقلاب آ جائے گا،

چیئرمین عبدالبر نے کہا کہ سندھ حکومت کے تعاون سے ایف سی ایس فجیان فشریز کو فیکٹریز لگانے کے لیے زمین فراہم کرے گی، سمندری پانی کو صاف کر کے اس سے برف بنانے کا یہ پاکستان میں پہلا منصوبہ ہوگا، ماہی گیروں کو آسان شرائط اور آسان اقساط پر فائبر کی جدید ترین چھوٹی لانچیں فراہم کی جائیں گی،

چیئرمین عبدالبر کا کہنا تھا کہ ہم 2021 تک پاکستان کو فشریز سیکٹر سے 100 کروڑ ڈالرز زرمبادلہ کما کر دیں گے۔