وزیراعظم عمران خان نے کہا ہے کہ ہمارے پاس افغان مہاجرین کے درجنوں کیمپ ہیں ہر کسی کو چیک نہیں کر سکتے لیکن ملک میں اب دہشتگردوں کا کوئی ٹھکانے نہیں ہیں۔
اسلام آباد میں افغان مہاجرین کے حوالے سے بین الاقوامی کانفرنس سے خطاب کرتے ہوئے وزیراعظم نے کہا کہ گزشتہ 20 سال پاکستانی عوام کے لیے بہت مشکل رہے لیکن تمام مشکلات کے باوجود پاکستان نے افغان مہاجرین کی میزبانی کی، افغان مہاجرین کے بچوں نے پاکستان میں کرکٹ سیکھی اور آج افغانستان کی ٹیم عالمی درجہ بندی میں آگئی ہے۔
وزیراعظم نے اقوام متحدہ کے جنرل سیکرٹری کی توجہ بھارت کی صورتحال پر مبذول کرواتے ہوئے کہا کہ آج کا بھارت نہرو اور گاندھی کا بھارت نہیں ہے، بھارت میں انتہا پسندانہ سوچ کا غلبہ ہےاور وہاں موجود 20 کروڑ مسلمانوں کو متنازع قوانین سے نشانہ بنایا جارہا ہے۔
عمران خان نے کہا کہ اقوام متحدہ بھارت میں انتہاپسندانہ اقدامات کا نوٹس لے، نازی ام کی طرح بھارت میں بھی بڑھتی انتہاپسندانہ سوچ خطرناک ہے۔
