باغیوں نے شام میں ملٹری ہیلی کاپٹر مار گرایا

263

باغیوں کے آخری زیر قبضہ علاقے شمال مغرب میں شامی ملٹری کا ہیلی کاپٹر مار گرایا گیا۔

شام کے سرکاری میڈیا کے مطابق ملک کے مغربی حصے حلب کے قریب باغیوں کے زیر کنٹرول علاقے سے قبضہ چھڑانے کی حکومتی مہم کے دوران ملٹری ہیلی کاپٹر کو میزائلوں سے نشانہ بنایا گیا۔

سرکاری نیوز ایجنسی کا کہنا ہے کہ عرم الکبریٰ قصبے میں نشانہ بننے والا ہیلی کاپٹر مکمل طور تباہ ہوگیا جس کے نتیجے میں تمام سوار افراد ہلاک ہوگئے۔

سرکاری ذرائع نے حملہ آور وں کی تفصیلات فراہم کرنے سے انکار کرتے ہوئے پس پشت قوتوں کی شناخت ظاہر کرنے گریز کیا ہے تاہم نیشنل لبریشن گروپ نے واقعے کی ذمہ داری قبول کرتے ہوئے کہا ہے کہ ملٹری ہیلی کاپٹر کو انہوں نے مار گرایا۔