ایف آئی اے نے بینظیر انکم سپورٹ پروگرام فنڈز میں بے ضابطگیوں کی تحقیقات کا آغاز کردیا

179

اسلام آباد:فیڈرل انوسٹیگیشن ایجنسی (ایف آئی اے) نے بینظیر انکم سپورٹ پروگرام فنڈز میں بے ضابطگیوں کی تحقیقات کا آغاز کر دیا۔

نجی ٹی وی ذرائع کے مطابق ایف ائی کے ڈائریکٹر پنجاب کی سربراہی میں اجلاس ہوا جس میں خصوصی ٹیم تشکیل دی گئی ہے، خصوصی ٹیم نے گریڈ 17 کے 10، گریڈ 18 کے 2، گریڈ 19 کے 3 اور گریڈ کے 20 کے 1افسر کیخلاف تحقیقات کا آغاز کر دیا ہے۔

یہ بھی پڑھیں: وظیفہ خور افسروں کے خلاف مقدمات بنائیں گے،شہزاد اکبر

ڈی جی ایف آئی اے کی ہدایت پر ڈائریکٹر ایف آئی اے پنجاب ون خود انکوائری کی نگرانی کر رہے ہیں جبکہ تحقیقات مکمل ہونے تک ان سرکاری افسران کے نام ظاہر نہیں کیے جائیں گے۔

یہ بھی پڑھیں: ایف بی آر کے 196 ملازمین نے فنڈز وصول کیے

خصوصی ٹیم 2010 سے 2018 کے دوران بینظیر انکم سپورٹ پروگرام فنڈز (بی آئی ایس پی فنڈز) میں بے ضابطگیوں کے الزام میں 16 سرکاری افسران کی بیگمات کے ملکی و غیر ملکی اکاؤنٹس و اثاثوں کی چھان بین شروع کردی ہے۔