بھارتی کرکٹ ٹیم کے سابق آل راؤنڈر یوراج سنگھ کا کہنا ہے کہ بیماری کے دنوں میں پاکستان کے لوگوں سے بہت پیار ملا جس پر میں ان کا شکریہ ادا کرتا ہوں ۔
قومی کرکٹ ٹیم کے سابق کپتان شاہد آفریدی کو انٹرویو دیتے ہوئے 2011 عالمی کپ کے ہیرو کا کہنا تھا کہ جب وہ کینسر کے علاج کے لئے باہر گئےتو اس وقت جب بھی میں کوئی پیغام ٹوئٹر پر ڈالتا تو پاکستانیوں کی جانب سے بہت پیار بھرے پیغامات اوردعائیں ملتی تھیں۔
انہوں نے کہا کہ وہ میری زندگی کے انتہائی مشکل دن تھے، اس وقت پاکستان کے لوگوں نے بہت دعائیں دی جن کے لئے میں ان کا شکر گزار ہوں ۔