کالجز میں صبح کی اسمبلی لازمی قرار

291

کراچی سمیت سندھ بھر کے کالجز میں صبح کی اسمبلی لازمی قرار دے دی گئی۔

تفصیلات کے مطابق وزیرتعلیم کا منصب سنبھالتے ہی سعید غنی نے کالجز سے متعلق اہم احکامات جاری کردیے۔سعید غنی نے کراچی سمیت سندھ بھر کے کالجز میں صبح کی اسمبلی کو لازمی قرار دیا ہے۔

صوبائی وزیر کے احکامات کے بعد سیکرٹری کالج ایجوکیشن نے نوٹیفکیشن جاری کردیا ہے جس کے تحت تمام کالجز میں صبح ساڑھے آٹھ بجے اسمبلی ہوگی۔

وزیرتعلیم نے صوبے بھر کے کالجز میں طلبہ کو کلاسز کا پابند بنانے کی بھی ہدایت کرتے ہوئے کہا ہے کہ کالجز کا عملہ بھی وقت کی پابندی کرے۔