شہریوں کی جان ومال کی حفاظت کو یقینی بنانے کے لئے ہر ممکن سیکیورٹی اقدامات کئے جائیں، ڈی جی رینجرز (سندھ ) عمر احمد بخاری

313

کراچی (اسٹاف رپورٹر)ہیڈ کوارٹر زپاکستان رینجرز(سندھ) میں ڈی جی رینجرز (سندھ) میجر جنرل عمر احمد بخاری کی زیر صدارت اعلی سطح اجلاس منعقد ہوا۔

اجلاس میں کمشنر کراچی، ایڈیشنل آئی جی پولیس کراچی، ڈی آئی جی سی ٹی ڈی، ڈی آئی جی اسپیشل برانچ، ڈی آئی جی ٹریفک، ڈی آئی جی(ایسٹ،ساو¿تھ،ویسٹ، سی ٹی ڈی، اسپیشل برانچ)، پولیس،رینجرز اور حساس اداروں کے اعلی افسران نے شرکت کی۔اس موقع پر صوبہ سندھ بالخصوص کراچی میں امن و امان کی صورتحال اور سیکیورٹی انتظامات کا از سرِ نو جائزہ لیا گیا۔ اجلاس میں اس بات کا اعادہ کیاگیا ہے کہ شہریوں کی جان ومال کی حفاظت کو یقینی بنانے کے لئے ہر ممکن سیکیورٹی اقدامات کئے جائیں گے۔

اس ضمن میں عوام الناس سے اپیل کی جاتی ہے کہ کسی بھی شر پسند عناصر، مشکوک سرگرمی اور ناخوشگوار واقعہ کی فوری اطلاع تعینات رینجرز اہلکار، رینجرز ہیلپ لائن 1101پر، رینجرز مدد گار واٹس ایپ نمبر 03479001111پر کال یا ایس ایم ایس کے ذریعے دیں۔