لاہور فیکٹری میں آتشزدگی: 11 افراد جاں بحق

130

لاہور میں نجی فیکٹری میں سلنڈر پھٹنے کے باعث آگ لگ جانے کی وجہ سے 11 افراد جھلس کر جاں بحق ہوگئے۔

تفصیلات کے مطابق لاہور کے علاقے فیروزوالا میں اسپرے اور پرفیوم کی فیکٹری میں سلنڈر پھٹنے سے دھماکے کے بعد اچانک آگ بھڑک اٹھی، دیکھتے ہی دیکھتے آگ نے پوری فیکٹری کو اپنی لپیٹ میں لے لیا،آگ کی شدت کی وجہ سے فیکٹری زمین بوس ہوگئی ۔

آگ کی شدت کے باعث فیکٹری سے ملحقہ گھروں کی چھتیں گر گئیں اور دیواروں میں دراڑیں پڑ جانے کی وجہ سے متعدد گھروں کو خالی کرا لیا گیا۔

ریسکیو حکام کے مطابق جاں بحق ہونیوالے مزدوروں میں 1 خاتون اور بچہ سمیت 10 افراد شامل ہیں جبکہ زخمیوں کو قریبی ہسپتال منتقل کر دیا گیا ہے۔