پاک بنگلادیش میچ بارش کے باعث تاخیر کا شکار

264

پاکستان اور بنگلادیش کے درمیان تیسرے ٹی ٹوئنٹی میں بارش رکاوٹ بن گئی۔

تفصیلات کے مطابق پاکستان اور بنگلادیش کے درمیان سیریز کا تیسرا اور آخری میچ بارش کے باعث تاخیر کا شکار ہے،  قذافی اسٹیڈیم کی پچ پر کوررز بچھادیے گئے ہیں ۔

شائقین اور کھلاڑیوں کو بارش تھمنے کا انتظار ہے، لاہور میں موس ابر آلود ہے اور گہرے بادل چھائے ہوئے ہیں۔

میچ کا ٹاس ایک بجکر 30 منٹ پر ہونا تھا تاہم بارش کی وجہ سے ٹاس ڈیڑھ گھنٹہ گزرنے کے باوجود تاحال ٹاس نہیں ہوسکا، بارش رکنے پر امپائرز نے فیلڈ کا دورہ کیا تاہم کچھ دیر بعد بارش دوبارہ شروع ہوگئی۔

واضح رہے کہ پاکستان کو تین میچوں کی سیریز میں دو-صفر کی فیصلہ کن برتری حاصل ہے تاہم ٹی ٹوئنٹی میں پہلی پوزیشن برقرار رکھنے کے لیے گرین شرٹس کو سیریز میں کلین سوئپ کرنا لازمی ہے۔