لاپتہ افراد کا کیس: وکیل جلیلہ حیدر کو بیرون ملک جانے سے روک دیا

293

لاہور: سماجی رہنماء و وکیل جلیلہ حیدر کو بیرون ملک جانے سے روک دیا۔

تفصیلات کے مطابق ویمن ڈیموکریٹک فورم بلوچستان کی صدر اور لاپتہ افراد کا کیس لڑنے والی خاتون وکیل جلیلہ حیدر کو ائیر پورٹ پر حکام نے بیرون ملک سفرسے روک دیا۔

ائیرپورٹ حکام کاکہناہے کہ ایف آئی اے نے واچ لسٹ میں نام شامل ہونےپر جلیلہ حیدر کولاہور ائیرپورٹ پرروکا گیا۔

جلیلہ حیدر لندن میں ہونے والی کانفرنس میں شرکت کیلئے جارہی تھیں، انہیں حکومت مخالف سرگرمیوں میں ملوث ہونے پر بیرون ملک جانے سے روکا گیا۔

نجی ٹی وی کی سائٹ کے مطابق ذرائع کا کہنا ہےکہ ایف آئی اے نے بیان ریکارڈ کرنے کے بعد جلیلہ حیدر کو چھوڑ دیا گیا ہے۔

ایف آئی اے نے جلیلہ حیدر کا بیان ریکارڈ کرکے انہیں گھر واپس جانے کی اجازت دے دی ۔