بدین میں وزیراعظم پیکیج کے تحت یوٹیلیٹی اسٹور کی اشیاء کی عام مارکیٹوں میں مہنگے داموں فروخت کرنے کا انکشاف ہوا ہے۔
ذرائع کے مطابق وزیراعظم پیکیج کی سستی اشیاء صوبہ سندھ کے شہر بدین کی عام مارکیٹوں میں فروخت کیا جا رہا ہے۔ گھی، تیل، چینی اور آٹا سمیت دیگر اشیاء کے ٹرک تاجروں کو فروخت کیے گئے ہیں۔
ذرائع نے تصدیق کی ہے کہ فروخت کی جانے والی اشیاء پر وزیراعظم اسکیم کا مونوگرام بھی موجود ہے۔
جبکہ ریجنل انچارج یوٹیلیٹی اسٹور نے اپنے بیان میں اس خبر کو بے بنیاد قرار دیتے ہوئے کہا ہے کہ ایسی کوئی شکایت نہیں آئی، شکایت آئی تو دیکھیں گے۔
