جنرل مشرف کی پارٹی کا فیصلے کے خلاف سپریم کورٹ جانے کا اعلان

سابق صدر جنرل پرویز مشرف کی سیاسی جماعت آل پاکستان مسلم لیگ نے اسلام آباد کی خصوصی عدالت کا فیصلہ سپریم کورٹ میں چیلنج کرنے کا اعلان کیا ہے ۔

پارٹی کی جنرل سیکریٹری مہرین ملک نے کہا ہے کہ پارٹی جنرل پرویز مشرف کی سزائے موت کے فیصلے کو سپریم کورٹ میں چیلنچ کرے گی ، پرویز مشرف سے متعلق فیصلہ جس طرح سنایا گیا ہے وہ افسوس ناک ہے،انہوں نے کہا کہ کیس میں قانونی کارروائی اور اس کے تقاضے پورے نہیں کیے گئے۔

مہرین ملک نے کہا کہ وکلاء کے ساتھ مشاورت کے بعد اگلے لائحہ عمل کا اعلان کیا جائے گا۔