فہیم اشرف فٹ ہوگئے، قائد اعظم ٹرافی کا فائنل کھیلیں گے

قومی کرکٹ ٹیم کے آل رؤنڈر فہیم اشرف نے فٹنس مسائل سے چھٹکارا پانے کے بعد ٹریننگ شروع کردی۔

اطلاعات کے مطابق فہیم اشرف مکمل صحت یاب ہوگئے ہیں، انہوں نے گھٹنے کی انجری سے نجات حاصل کرلی ہے اور اب وہ ٹریننگ میں حصہ لے رہے ہیں۔

معلوم ہوا ہے کہ آل راؤنڈر قائد اعظم ٹرافی کے فائنل مقابلے کے لیے دستیاب ہیں وہ سینٹرل پنجاب کی ٹیم کو جوائن کریں گے۔ فہیم اشرف اور عثمان شنواری کا آٹھ اور پانچ میچوں کے لیے بگ بیش میں شرکت کا معاہدہ ہواتھا تاہم فہیم اشرف نے لیگ کی بجائے قومی ڈومیسٹک کرکٹ کو ترجیح دی۔