انڈونیشیا: سیلاب کی زد میں آکر 2 افراد جاں بحق

جکارتا (انٹرنیشنل ڈیسک) انڈونیشیا کے وسطیصوبے سولا ویسی میں موسلا دھار بارش سے آنے والے سیلاب کی زد میں آکر 2 افراد ہلاک ہو گئے۔ قومی آفت ایجنسی کے ترجمان آگوس ویبوو نے بتایا کہ صوبے سے منسلک سیگی علاقے میں شدید بارش سے پیدا ہونے والے سیلاب سے 20 مکانات متاثر بھی ہوئے ہیں۔ ان کا کہنا ہے کہ سیلاب سے متاثرہ 60 کنبوں کو محفوظ مقامات کو منتقل کر دیا گیا ہے اور باقی ماندہ متاثرین کی امداد کاکام جاری ہے۔