بین الاقوامی اسلامی یونیورسٹی میں لسانی طلبہ تنظیم کے حملے میں شہید ہونے والے اسلامی جمعیت طلبہ کے کارکن محمد طفیل کی نماز جنازہ ادا کردی گئی۔
نماز جنازہ اسلامی یونیورسٹی کشمیر ہائی وے پر امیر جماعت اسلامی پاکستان سینیٹر سراج الحق کی امامت میں ادا کی گئی جس میں نائب امیر جماعت اسلامی پاکستان لیاقت بلوچ سمیت کارکنان کی بڑی تعداد شریک تھی جس کے بعد میت کو تدفین کے لیے آبائی علاقے گلگت روانہ کر دیا گیا۔
نمازجنازہ کے موقع پر گزشتہ روز حملے میں زخمی ہونے والے اسلامی جمعیت طلبہ کے کارکنان سے امیر جماعت اسلامی نے ملاقات کی۔
گزشتہ شب انٹرنیشنل اسلامک یونیورسٹی میں اسلامی جمعیت طلبہ کے بک ایکسپو پر لسانی طلبہ تنظیم کے حملے جمعیت 1 رکن شہید 24 سے زائد طلباء زخمی ہوگئے تھے جبکہ 5 طلبہ کی حالت تشویشناک ہے۔حملے میں نائب امیر جماعت اسلامی لیاقت بلوچ بال بال بچ گئے۔
