لاہور ہائیکورٹ کے فاضل جج جسٹس سید مظاہر علی نے وکلا سے کہا ہے کہ وہ پھولوں کے گلدستے پی آئی سی لے کر جائیں اور ڈاکٹروں سے گلے مل کر معاملہ ختم کریں۔
تفصیلات کے مطابق وکلاء جوائنٹ ایکشن کمیٹی کی جانب سے اعلان کردہ ہڑتال کے باعث عدالتی امور کا بائیکاٹ کیا گیا، اس دوران ایکشن کمیٹی کے ارکان نے عدالت سے آج کی کارروائی بند کرنے کی استدعا کی جس پر جسٹس سید مظاہر علی نے کہا کہ عدالت اپنا کام کرے گی یہ میری ذمہ داریوں میں شامل ہے۔
فاضل جج نے وکلاء سے کہا کہ وہ معاملہ ختم کرنے کے لیے گلدستہ لے کر پی آئی سی جائیں اور ڈاکٹرز سے گلے ملیں، انہوں نے کہا کہ عدالت اپنا کام کرے گی اگر کوئی پیروی کے لیے حاضر نہیں ہونا چاہتا تو یہ اس کی مرضی ہے۔
