مقامی میڈیا کے مطابق فائرنگ کا واقعہ مقامی وقت کے مطابق صبح سات بجے شمالی شہر اوستتراوامیں اسپتال کے ٹراما وارڈ میں پیش آیا۔جمہوریہ چیک کے محکمہ صحت کے مطابق فائرنگ کے واقعہ میں 6 افراد ہلاک جب کہ متعدد زخمی ہوئے ہیں۔
ریجنل پولیس چیف پاؤلا جیروسکو نے مقامی ٹی وی کو بتایا کہ فائرنگ کے نتیجے میں چار افراد موقع پر ہلاک اور دو زخمی ہوئےتھے ، زخمیوں کو طبی امداد دی جا رہی تھی تاہم وہ زخموں کی تاب نہ لاتے ہوئے دوران علاج چل بسے ۔پولیس کے مطابق مفرور حملہ آوروں کی تلاش جاری ہے تاہم ابھی تک کوئی گرفتاری عمل میں نہیں آئی ۔
