سیسی آفیسرزویلفیئرایسوسی ایشن کے زیراہتمام محفل میلاد

43

علامہ نسیم احمد صدیقی نے عظمت رسول ؐ کا فلسفہ بیان کرتے ہوئے کہا کہ محسن انسانیت محسن خلاقیت ہیں جن کو آپ ؐ سے محبت ہے وہ تو مانتے ہی ہیں اور جو نبیؐ کے نہ ماننے والے ہیں وہ بھی مانتے ہیں۔ انہوں نے ان خیالات کا اظہار سندھ سوشل سیکورٹی ہیڈآفس میں سیسی آفیسرز ویلفیئر ایسوسی ایشن کے زیراہتمام جشن عید میلادالنبی ؐ کی محفل سے خطاب کرتے ہوئے کیا۔قبل ازیں کمشنر سیسی کاشف گلزار شیخ نے اپنے خطاب میں سیسی آفیسرز ویلفیئر ایسوسی ایشن کے زیراہتمام منعقدہ محفل میلاد کو سراہا۔ آخر میں سیسی آفیسرز ویلفیئر ایسوسی ایشن کے صدر ندرت بلند اقبال نے مہمانوں کا شکریہ ادا کیا۔ اس سے پہلے بارگاہ رسالت میں الحاج صدیق اسماعیل،محمودالحسن اشرفی، قاری عبدالقادر، حافظ آفاق اور سیسی کے نعت خوانوں زاہدحسین اور محمدارشدحسین نے گلہائے عقیدت پیش کیے جبکہ تقریب کی نظامت کے فرائض تسلیم رضا نے بحسن و خوبی انجام دیئے۔