عالمی شہرت یافتہ فٹبالرز کراچی پہنچ گئے

376

کراچی:عالمی شہرت یافتہ فٹبالرز ریکارڈو کاکا، لوئس فیگو، کارلس پیول اور نکولز انیلکا پاکستان پہنچ گئے۔

چاروں فٹبالرز کراچی کے جناح انٹرنیشنل ائیرپورٹ پہنچے جہاں ان کا استقبال کیا گیا اور سندھ کی روایتی ٹوپی اور اجرک پہنائی گئی۔

پاکستان میں فٹبال کے فروغ کیلئے چاروں فٹبالرز ورلڈ سوکر اسٹارز کے دورے کیلئے پاکستان پہنچے ہیں جو آج کراچی اور کل لاہور میں اِن ایکشن میں ہوں گے۔

کراچی پہنچنے پر فرانس کے سابق فٹبالر نکولز انیلکا نے کہا کہ انہیں ایک بار پھر پاکستان آکر اچھا لگ رہا ہے، وہ یہاں قیام کے دوران فینز اور ساتھی فٹبالرز کے ساتھ بھرپور انجوائے کرنا چاہتے ہیں۔

ورلڈ سوکر اسٹارز پہلے میچ کیلئےآج شام کراچی کے راحت اسٹیڈیم میں کراچی ایف سی کلب سے مقابلہ کریں گے جس میں قومی فٹبال ٹیم کے کپتان صدام حسین بھی حصہ لیں گے۔

میچ سے قبل میڈیا سیشن ہوگا اور پھر مقامی مال میں فینز سے ملاقات  ہوگی جبکہ کل اسٹارز فٹبالرز لاہور کی ٹٰم س ٹکرائیں گے۔

اسپین کے کارلس پیول ٹیم فیگو کا حصہ ہوں گے جبکہ نکولز انیلکا ٹیم کاکا میں شامل ہیں۔ پاکستان کے مقامی فٹبالرز بھی اس میچ میں شریک ہوں گے۔

یاد رہے کہ برازیل کے کاکا اور پرتگال کے سابق کپتان لوئیس فیگو رواں برس جنوری میں بھی پاکستان کا دورہ کرچکے ہیں۔