اجزاء
چکن آدھا کلو
نمک حسب ذائقہ
ادرک لہسن دو کھانے کے چمچ
پیاز دو عدد
دہی ایک پیالی
کشمش آدھی پیالی
پسا گرم مصالحہ ایک کھانے کا چمچ
زیرہ ایک کھانے کا چمچ
ثابت لال مرچیں آٹھ سے دس عدد
سونف دو کھانے کے چمچ
سفید زیرہ ایک کھانے کا چمچ
بادام پستے آدھی پیالی
زعفران آدھا چائے کا چمچ
کوکنگ آئل آدھی پیالی
ترکیب: گوشت کو صاف دھو کر خشک کرنے کے لیے چھلنی میں رکھ دیں۔ زیرہ بھون کر کوٹ لیں، زعفران کو دو سے تین کھانے کے چمچ دودھ میں حل کر رکھ دیں۔
بڑے پیالے میں دہی، نمک اور ادرک لہسن ڈال کر اچھی طرح ملائیں اور گوشت کو اس میں ڈال کر میرینیٹ کر کے ایک گھنٹے کے لیے رکھ دیں۔
پیاز، سونف اور لال مرچوں کو باریک پیس لیں، کشمش اور بادام پستے ملا کر پیس لیں۔
پین میں کوکنگ آئل کو درمیانی آنچ پر تین سے چار منٹ گرم کریں اور اس میں پیاز کا پیسٹ ڈال کر بھونیں، اس کا اپنا پانی خشک ہو جائے اور گھی علیحدہ ہو جائے تو اس میں گوشت ڈال دیں۔ ملا کر ڈھک دیں اور درمیانی آنچ پر پکنے رکھ دیں۔
گوشت گل جائے او رپانی خشک ہو جائے تو زیرہ، گرم مصالحہ زعفران اور کشمش کا مکسچر ڈال کر ہلکا سا ملائیں اور ہلکی آنچ پر ڈھک کر دم پررکھ دیں۔
پریزنٹیشن: ڈس میں نکال کر گرم گرم شیرمال یا تافتان کے ساتھ رات کے کھانے پر پیش کریں۔