کراچی: بھارتی ٹیسٹ کرکٹر وسیم جعفر نےپی سی بی کی جانب سے فواد عالم اور جنید خان کو آسٹریلیا کے خلاف سیریزکیلئے انتخاب نہ کرنے پر حیرت کا اظہار کردیا۔
سماجی رابطے کی سائٹ ٹوئٹر پر بھارتی ٹیسٹ کرکٹر نے کہا کہ مجھے حیرت ہوئی ہے کہ فواد عالم اور جنید خان کو آسٹریلیا کے خلاف سیریز کیلئے منتخب نہیں کیاگیا۔
بھارتی کرکٹر نے مزید لکھا کہ فواد عالم ڈومیسٹک کرکٹ میں 56 کی اوسط رکھتے ہیں جبکہ جنید کو بھی جب موقع ملا انہوں نے بہترین کارکردگی دکھائی ۔
It amazes me to not see @iamfawadalam25 and @JunaidkhanREAL in Pakistan teams.
Fawad Alam averages 56 in first class cricket and Junaid Khan has always done well whenever he got opportunities.— Wasim Jaffer (@WasimJaffer14) October 22, 2019
دوسری جانب ذرائع کا کہنا ہے کہ قومی ٹیم کے کوچ و چیف سلیکٹر نے سندھ ٹیم کے کوچ سے فواد عالم کی حالیہ کارکردگی کے حوالے سے رپورٹ طلب کی تھی تاہم اس کے باوجود انہیں آسٹریلیا کے خلاف ٹیسٹ سیریز کیلئےمنتخب نہیں کیا گیا۔
جنید خان کو بھی عالمی کپ 2019 سے قبل اسکواڈ کا حصہ بنایا گیا تھا تاہم انگلینڈ کے خلاف انتہائی ناقص کارکردگی کی وجہ سے انہیں ٹیم سے ڈراپ کردیا گیا۔
یاد رہے کہ فواد عالم نے قائداعظم ٹرافی کے نئے سیزن میں پانچ میچ کھیل کر 40 کی اوسط سے 160 رنز بنا رکھے ہیں۔
