مقبوضہ بیت المقدس (انٹرنیشنل ڈیسک) اسرائیلی فوجیوں نے مقبوضہ بیت المقدس کے شمال میں قلندیہ پناہ گزیں کیمپ میں شہید فلسطینی کا مکان مسمار کر دیا۔ فلسطینی ذرائع ابلاغ کے صہیونی پولیس نے قلندیہ کیمپ پر دھاوا بولا اور مکان مسمار کرنے سے قبل شہید حسن ابو علی کے خاندان کو گھر سے زبردستی نکال دیا۔ اس دوران اسرائیلی فوجیوں نے صحافیوں کو مکان کی تصاویر بنانے سے روک دیا۔ اسیر ابو علی کو اسرائیلی فوج نے اگست 2011 ء میں شہید کر دیا تھا۔ دوسری جانب صہیونی فوج نے مغربی کنارے کے مختلف حصوں میں آبادکاروں پر حملوں کے الزام میں 7فلسطینی نوجوانوں کو حراست میں لے لیا۔