سری لنکا کے سابق کپتان اور مایہ ناز بیٹسمین سنگاکارا نے پاکستان میں انٹرنیشنل کرکٹ کی مکمل بحالی کے لیے کردار ادا کرنے کی ٹھان لی۔
ایک بیان میں سنگاکارا نے پاکستان میں بین الاقوامی کرکٹ کی واپسی کے حق میں صدا بلند کرتے ہوئے کہا ہے کہ سری لنکن ٹیم کے دورہ پاکستان اور پذیرائی پر بڑی خوشی ہوئی، بالآخر اس ملک میں انٹرنیشنل کرکٹ کو مکمل طور پر واپس آنا ہے، موقع ملا تو میں بھی اس عمل میں اپنا حصہ ڈالنا چاہوں گا اور خود بھی اس ضمن میں کردار ادا کرنا چاہوں گا۔
یاد رہے کہ مارچ 2009 میں دہشت گردوں کا نشانہ بننے والی سری لنکن ٹیم میں سنگا کارا بھی شامل تھے۔