جے یو آئی (ف)نے ڈی چوک پر آزادی مارچ کیلئے درخواست دیدی

79

جمعیت علما اسلام (ف) نے ڈی چوک پر آزادی مارچ کیلئے درخواست دے دی، مولانا عبدالغفور حیدری کی جانب سے چیف کمشنر اسلام کو درخواست جمع کروائی گئی۔

جے یو آئی (ف)کی جانب سے 27 اکتوبر کو ڈی چوک میں آزادی مارچ کیلئے درخواست میں کہا گیا ہے کہ جمعیت علمائے اسلام آزادی مارچ نکالنے کا جمہوری اور آئینی حق رکھتی ہے۔ امیر جے یو آئی مولانا فضل الرحمن کی زیرقیادت مارچ میں کارکنان کی بڑی تعداد شامل ہوگی، ڈی چوک میں آزادی مارچ کے شرکا کی سیکورٹی کے لئے ضروری اقدامات کئے جائیں۔

واضح رہے کہ حکومت کی جانب سے جے یو آئی کے آزادی مارچ کی بھرپور مخالفت کی جارہی ہے جبکہ اپوزیشن جماعتیں پیپلز پارٹی اور ن لیگ آزادی مارچ کی سیاسی و اخلاقی حمایت کر رہی ہیں۔