خالصتان تحریک کے پیچھے پاکستان کا ہاتھ نہیں،برطانوی کمیشن

79

لندن( آن لائن ) برطانوی کمیشن نے پاکستان کو سکھوں کی الگ ملک خالصتان کے لیے جاری تحریک سے بری الذمہ قراردیتے ہوئے کہاہے کہ خالصتان تحریک کے پیچھے پاکستان کاہاتھ نہیں ہے۔سکھ برادری کا خالصتان کامطالبہ اورشدت پسندی کے خلاف برطانوی کمیشن نے اپنی رپورٹ میں کہاہے کہ خالصتان تحریک کے پیچھے پاکستان کا ہاتھ نہیں ہے۔ سکھ بھارتی پالیسیوں سے خوش نہیں ہیںاوربرطانیہ میں مقیم ہندوئوں اور سکھوں کے درمیان تنائو ہے۔ کمیشن کے مطابق اوورسیزسکھ کمیونٹی شناخت کے حوالے سے زیادہ متحرک ہے۔کمیشن کی رپورٹ میں جائزہ لیاگیاکہ بیرون ملک مقیم سکھ خالصتان کے لیے زیادہ متحرک ہیں اور گولڈن ٹیمپل حملے کے بعدعلیحدہ وطن کے مطالبے میں اضافہ دیکھنے میں آیاہے۔ کمیشن نے کہا کہ سکھوں کی اکثریت علیحدہ ملک کاقیام چاہتی ہے جبکہ بھارتی حکومت اورمیڈیاکارویہ سکھ علیحدگی پسندی کوہوادے رہا ہے۔