وزیراعظم چین پہنچ گئے

وزیراعظم عمران خان دو روزہ دورے پر چین پہنچ گئے جہاں چین کے وزیر ثقافت لوشوگنگ نے ان کا ائیرپورٹ پر استقبال کیا ہے۔

ذرائع کے مطابق وزیراعظم عمران خان اور آرمی چیف جنرل قمر جاوید باجوہ چین کے صدر شیجن پنگ اور وزیراعظم لیکی کیانگ سے ملاقاتیں کریں گے۔

پاکستان اور چین کے وزرائے اعظم ملاقات میں معاہدوں اور مفاہمت کی یادداشتوں پر بھی دستخط کریں گے۔

وزیر خارجہ شاہ محمود قریشی اور وزیر برائے وزیر منصوبہ بندی، ترقی و اصلاحات خسرو بختیار بھی وزیراعظم کے ہمراہ ہیں۔