برطانوی صحافی اب تک شہباز شریف کے مقدمے کے منتظر

149

اسلام آباد: برطانوی صحافی ڈیوڈ روزکا کہنا ہے کہ وہ اب تک شہباز شریف کی جانب سے ہتک عزت کے مقدمے کا منتظر ہے۔

مسلم لیگ ن کے صدر اور اپوزیشن لیڈر شہباز شریف کی کرپشن کو بے نقاب کرنے والے برطانوی صحافی ڈیوڈ روز نے سوشل میڈیا پر اپنے بیان میں کہا کہ شہباز شریف نے اب تک ان کے کیخلاف مقدمہ نہیں کیا اور نہ ہی اب تک اُن کے اخبار کیخلاف کسی بھی قانونی کارروائی کا آغاز کیا گیا ہے۔

انہوں نے لکھا کہ میرے ذرائع کے مطابق میرے آرٹیکل کے بعدنیب، ایسٹ ریکوری یونٹ سمیت دیگر تحقیقاتی ادارے اس معاملے کی چھان بین کر رہے ہیں جس کی وجہ سےشہباز شریف بہت مصروف ہوگئے ہیں اور اسی مصروفیت میں انہوں نے میرے خلاف قانونی چارہ جوئی کو بھی بھلا دیا ہے۔

واضح رہے کہ 3 ماہ قبل برطانوی اخبار ڈیلی میل نے ایک خبر شائع کی تھی جس میں دعوٰی کیا گیا تھا کہ سابق وزیراعلیٰ پنجاب شہباز شریف کے خاندان نے زلزلہ متاثرین کو ملنے والی برطانوی امداد میں خُردبرد کی ہے۔

جس کے بعد 26 جولائی کو شہباز شریف نے برطانوی اخبار ڈیلی میل کو قانونی نوٹس بھیجنے کا دعویٰ کیا تھا ۔ جس میں ڈیلی میل اخبار کے رپورٹر ڈیوڈ روز کو بھی فریق بنایا گیاتھا۔