”کنٹرول لائن کی خلاف ورزی کو جواز بناکر بھارت حملہ کرسکتا ہے“

241

وزیراعظم کا کہنا ہے کہ آزادکشمیر سےکنٹرول لائن کی خلاف ورزی کرنے سے بھارت کو مقبوضہ کشمیر کے لوگوں پر تشدد بڑھانے کا جواز مل جائے گا۔

وزیراعظم عمران خان نے سوشل میڈیا پر جاری اپنے بیان میں کہا ہے کہ جو بھی آزاد کشمیر سے کنٹرول لائن کی خلاف ورزی کرے گا دراصل وہ بھارتی بیانیے کے ہاتھوں میں کھیلےگا۔ ایل اوسی کی خلاف ورزی کوبہانہ بنا کربھارت لائن آف کنٹرول پر حملہ کرسکتا ہے۔

وزیراعظم نے اپنے بیان میں کہا ہے کہ بھارت یہ سمجھتا ہے کہ  پاکستان مقبوضہ کشمیر میں جدوجہد کی آڑ میں دہشت گردی کو فروغ دے رہاہے۔ بھارت کشمیریوں کی جدوجہد کو اسلامی دہشت گردی قراردینے کی کوشش کرتا ہے۔

انہوں نے کہا ہے کہ مقبوضہ کشمیر میں دو ماہ سےغیرانسانی کرفیوپرآزادکشمیرکے لوگوں کاغصہ سمجھ سکتا ہوں۔