ریڈ زون میں داخل نہیں ہونے دینگے، آخری آپشن فوج ہوگا، وزیر داخلہ

80

اسلام آباد(آن لائن)وفاقی وزیر داخلہ اعجاز شاہ نے ایک بیان میں کہا ہے کہ آزادی مارچ کو روکنے کی پہلی ذمہ داری صوبوں کی ہے۔ اسلام آباد آئیں تو پھر ہم دیکھیں گے۔جمعیت علمائے اسلام (ف)کے سربراہ مولانا فضل الرحمان کے ممکنہ لاک ڈائون کے بارے میں نجی ٹی وی گفتگو کرتے ہوئے وزیر داخلہ اعجاز شاہ کا کہنا تھا کہ اس بارے میں وزیراعلی خیبر پختونخوا کا بیان تو آپ نے سنا ہی ہوگا۔ ریڈ زون کی بات کی جائے تو یہاں دفعہ 144 نافذ ہے، ادھر کسی کو داخل نہیں ہونے دیا جائے گا۔وزیر داخلہ اعجاز شاہ نے بتایا کہ پہلے تو پولیس ہی مارچ کو ریڈ زون میں داخلے سے روکے گی، آخری آپشن فوج ہوگی۔ انہوں نے واضح کیا کہ جو بھی قانون ہاتھ میں لے گا اسے قانونی کارروائی کا سامنا کرنا پڑے گا۔