کشمیر میں جہاد کرنے کے پاکستانی خواہشمندوں کو وزیراعظم عمران خان کی جانب سےملک دشمن قرار دینے کے بیان پر امریکا نے مسرت کا اظہار کیا ہے۔
امریکی معاون وزیر خارجہ برائے جنوبی ایشیا بیور ایلس ویلز نے وزیراعظم عمران خان کے بیان کو خوش آئند قرار دیتے ہوئے کہا کہ پاکستان کا تمام دہشت گرد گروہوں سے نمٹنے کا عزم علاقائی استحکام کیلیے اہم ہے اور یہ خطے میں پائیدار امن کا ضامن بھی ہوگا
Applaud PM @ImranKhanPTI’s unambiguous & important statement that militants from Pakistan who would carry out violence in Kashmir are enemies of both Kashmiris & Pakistan.We agree. Pakistan's sustained commitment to counter all terrorist groups is critical to reg. stability. AGW
— State_SCA (@State_SCA) September 19, 2019
اپنے ٹوئٹر بیان میں ایس ویلز نے کہا کہ کشمیر میں تشدد سے متعلق وزیراعظم عمران خان کا واضح اور اہم بیان قابل تعریف ہے جس میں انہوں نے کہا تھا کہ پاکستان سے عسکریت پسند کشمیر میں جاکر انتشار کا باعث بن سکتے ہیں جس کا سب سے زیادہ نقصان کشمیریوں کو ہوگا اور یہ شدت پسند کشمیریوں اور پاکستان دونوں کے دشمن ہیں۔
واضح رہے کہ مظفر آباد جلسے میں وزیراعظم عمران خان نے کہا تھا کہ ایل او سی کراس کرنے والے میری کال کا انتظار کریں تاہم گزشتہ روز وزیراعظم کا کہنا تھا کہ پاکستان سے مقبوضہ کشمیر کوئی لڑنے گیا تو یہ کشمیریوں سے دشمنی ہوگی ۔
پاکستان سے کوئی مقبوضہ وادی لڑنے گیا تو یہ کشمیریوں سے دشمنی ہوگی،وزیراعظم