تحریک انصاف کے رکن اسمبلی پر قاتلانہ حملہ

پشاور (مانیٹرنگ ڈیسک ) تحریک انصاف کے رکن اسمبلی پر قاتلانہ حملہ۔ اقبال وزیر پر شمالی وزیرستان میں حملہ کیا گیا تاہم حکمراں جماعت کے ایم پی اے بلٹ پروف گاڑی کے باعث بال بال بچ گئے۔ تفصیلات کے مطابق وزیرستان سے منتخب ہونے والے حکمراں جماعت کے رکن صوبائی اسمبلی اقبال وزیر پر قاتلانہ حملہ کیا گیا ہے۔میڈیا رپورٹس کے مطابق ضلعی انتظامیہ نے بتایا ہے کہ تحریک انصاف کے رکن صوبائی اسمبلی اقبال وزیر شمالی وزیرستان کے علاقے اسپین وام میں فاتحہ کی ادائیگی کیلیے گئے تھے۔ واپسی پر اقبال وزیر کی پر قاتلانہ حملہ ہوا اور ان کی گاڑی کو نشانہ بنایا گیا۔ تاہم اقبال وزیر کی گاڑی بلٹ پروف تھی اس لیے ان
کی جان بچ گئی۔ حملے کے دوران اقبال وزیر کی گاڑی کو شدید نقصان پہنچا۔ واقعے کے فوری بعد سیکورٹی فورسز نے جائے وقوع پر پہنچ کر علاقے کو گھیرے میں لے لیا اور سرچ آپریشن کا آغاز کر دیا گیا جبکہ تحریک انصاف کے رکن اسمبلی اقبال وزیر کو بحفاظت محفوظ مقام پر منتقل کر دیا گیا ہے۔
پی ٹی آئی رکن پر حملہ