سیکورٹی پیپرز میں مزدور مستقل نہیںہوسکے

سیکورٹی پیپرز لمیٹڈ میں عرصہ دراز سے مزدوروں کو مستقل نہ کیے جانے پر مزدوروں میں تشویش کی لہر دوڑ گئی۔ 2 عشروں کے دوران سیکڑوں مستقل مزدور ریٹائر ہوگئے، تاہم ان کی جگہ مستقل ملازمت کے مواقع پیدا نہیں کیے گئے۔ نظام کو ٹھیکے کے ذریعے چلایا جارہا ہے، جس کے باعث تقریباً 500 Casual ورکرز پر کام کا دبائو بڑھ گیا ہے۔ جس کی وجہ سے نہ صرف ان کی صلاحیتیں متاثر ہورہی ہیں بلکہ مزدوروں میں بے چینی پھیل رہی، مزدوروں نے اعلیٰ حکام سے فوری طور پر نوٹس لینے کا مطالبہ کیا تا کہ مزدوروں کو ان کا حق مل سکے۔
(اس سلسلے میں اگر کوئی فریق اپنا موقف پیش کرے تو اسے بھی شائع کیا جائے گا)