خرطوم (انٹرنیشنل ڈیسک) سوڈان کے دارالحکومت خرطوم میں معزول صدر عمر البشیر کو عدالتی میں سماعت کے لیے گزشتہ روز ایک بار پھر پیش کیا گیا، جہاں ان پر غیر ملکی کرنسی رکھنے اور بدعنوانی کے علاوہ احتجاجی مظاہرین کے قتل پر اکسانے اور اس میں ملوث ہونے کے الزامات کے تحت مقدمے کی کارروائی ہوئی۔ ذرائع ابلاغ کے مطابق استغاثہ کی جانب سے سابق صدر سے منی لانڈرنگ اور دہشت گردی کی فنڈنگ کے حوالے سے پوچھ گچھ کی گئی۔ 30 برس سوڈان کے حکمران رہنے والے عمر البشیر کو سخت فوجی پہرے میں عدالت پہنچایا گیا۔ سوڈانی عبوری حکومت کے وزیرا عظم عبداللہ حمدوک نے سابق صدر کے خلاف مقدمات سے متعلق بیان دیا تھا کہ یہ ابتدا غلط ہے۔