حیدرآباد (اسٹاف رپورٹر)چیمبر آف کامرس حیدرآبادکے صدر محمد سلیم شیخ کا کہنا ہے کہ صنعتی علا قے میں تا حال بارش کے پانی کانکاس ممکن نہیں ہو سکا ، سائٹ ایریا کے 150سے زاید صنعتی یونٹ کے بیشتر یونٹ کے داخلی راستوں اور مرکزی شاہراہوں پر بارش اور سیوریج کا پانی جمع ہے ، ملازمین کو آمد و رفت میں مشکلات کے علا وہ صنعتکاروں کو مال کی ترسیل میں بھی پریشانی کا سامنا کرنا پڑ رہا ہے ، صنعتی علا قوں کو ملانے والی مین شاہراہ فتح چوک سے نارا جیل اور ٹنڈو محمد خان رو ڈ پر بارش کا پانی جمع ہے ۔ محکمہ سندھ انڈسٹریل ٹریڈنگ اسٹیٹ نے شاہراہ سے متصل پختہ ڈرین تعمیر کی ہے ، جو کہ صنعتوں اور مرکزی شاہراہ کے مقابلے میں بلندی تعمیر کیا گیاہے جس کے باعث صنعتوں میں بھی پانی جمع ہو رہا ہے ،سائٹ پمپنگ اسٹیشن بند پڑے ہیں ، کروڑوں روپے سے تعمیر ہونے والیسڑکیں ٹوٹ پھوٹ کا شکار ہیں ، ڈرین کی تعمیر کی ابتدا میں صنعتکا روں نے تحفظات کا اظہار کیا تھا مگر محکمہ سائٹ نے نظر انداز کردیا ۔ ذو الفقار انڈسٹریز حالی رو ڈ سمیت دیگر صنعتوںکے داخلی راستوں پر پانی جمع ہے ، سائٹ انتظامیہ صنعتوں سے پانی کی نکاسی کے اقدامات کرے ۔ چیمبر آف کامرس حیدرآبادکے صدر محمد سلیم شیخ نے صوبائی وزیر صنعت و تجارت اور ایم ڈی سائٹ سے مطالبہ کیا ہے کہ وہ حیدرآباد سائٹ کا دو رہ کرے اور صنعتوں کو تباہ ہونے سے بچایا جائے ۔ محمد سلیم شیخ نے بتایا کہ گھی فیڈر IIسائٹ میں گھنٹوں غیر اعلانیہ شٹ ڈاؤن سے پیداواری عمل متاثر ہو رہا ہے ، چیف ایگزیکیٹو حیدرآباد الیکٹرک سپلائی کمپنی سے مطالبہ کیا کہ صنعتوں کو تسلسل سے بجلی فراہم کی جائے اور گھی فیڈر II سے غیر اعلانیہ لو ڈ شیڈنگ فو ری طو رپر بند کی جائے تاکہ صنعتوں میں پیداواری عمل جا ری رہے ۔
سلیم شیخ