ٹی وی رپورٹر کو نامعلوم شخص نے تھپڑ دے مارا، ویڈیو وائرل

286

میکسیکو سٹی میں ٹی وی کی براہ راست نشریات کے دوران نامعلوم شخص نے رپورٹر کو تھپڑ دے مارا۔

سوشل میڈیا پر وائرل ہونے والی ویڈیو میں دیکھا جا سکتا ہے کہ نجی ٹی وی چینل سے وابستہ رپورٹر اپنی پیشہ وارانہ فرائض کی انجام دہی میں مصروف تھا کہ ایک سفید رنگ کی شرٹ میں ملبوس شخص نے منہ پر طمانچہ رسید کردیا۔

جان مینول رپورٹر خواتین کے حقوق سے متعلق احتجاج کی رپورٹنگ کے لیے وہاں موجود تھے، جب انہیں تھپڑ رسید کیا گیا تو وہ براہ راست ٹی وی پر مظاہرے کے حوالے سے تفصیلات ناظرین تک پہنچا رہے تھے۔