لاہور(نمائندہ جسارت)نائب امیر جماعت اسلامی پاکستان ڈاکٹر فرید احمد پراچہ نے کہاہے کہ مقبوضہ کشمیر کی خصوصی حیثیت کا خاتمہ ایک عالمی جرم اور بھارت کی آئینی دہشت گرد ی ہے ۔ مودی اور ٹرمپ سے توقعات وابستہ کرنے اور متفقہ کشمیر پالیسی سے انحراف کرتے ہوئے کشمیر کے 3 حصوں کی تجاویز دینے والے وزیراعظم کو قوم سے معافی مانگنی چاہیے ۔ یہ سب کچھ ٹرمپ کی ثالثی اور عالمی سازشوں کا ایک حصہ ہے ۔ انہوںنے کہاکہ بھارت نے طبل جنگ بجا دیاہے اور اب اسے منہ توڑ جواب دینا ضروری ہے ۔ انہوںنے کہاکہ مقبوضہ کشمیر کے مظلوم عوام کو بھارتی مظالم کے مقابلے میں تنہا چھوڑنا ،ناقابل معافی قومی وملی جرم ہوگا ۔