پلاسٹک ریپنگ؛ سول ایوی ایشن نے حکم واپس لے لیا

123

سول ایوی ایشن اتھارٹی نے ملک بھر کے ایئر پورٹس پر مسافروں کے سامان کی پلاسٹک ریپنگ لازمی کروانے کا حکم نامہ منسوخ کردیا۔

ذرائع کے مطابق سول ایوی ایشن نے ملک بھر کے ایئر پورٹس پر پلاسٹک ریپنگ پر عوامی ردعمل اور مسافروں کی جانب سے مزاحمت کے پیش نظر سامان کی پلاسٹ کی ریپنگ لازمی کروانے کا حکم نامہ منسوخ کردیا۔

مراسلہ میں کہا گیا ہے کہ کوئی مسافر اپنی مرضی سے پلاسٹک کی ریپنگ کروانا چاہیے تو اس کے لئے ائرپورٹس پر سہولت فراہم کی جائے گی اور اگر کوئی مسافر اپنے سامان کی پلاسٹک ریپنگ نہیں کروانا چاہتا تو اسکے لئے لازمی نہیں ہوگا۔

ماضی میں بھی ملک بھر کے ائر پورٹس پر پلاسٹک ریپنگ کروانے کا فیصلہ مسلط کرنے کی کوشش کی گی تھی لیکن مسافروں کی جانب سے سخت مزاحمت پر یہ فیصلہ واپس لے لیا گیا تھا۔