لینڈنگ کے دوران پی آئی اے کا طیارہ پھسل گیا

گلگت ائیرپورٹ پر لینڈنگ کے دوران پی آئی اے کا طیارہ کچے پر پھسل گیا۔

پی آئی اے کی اسلام آباد سے گلگت پہنچنے والی پرواز  پرواز پی کے 605 لینڈنگ کے دوران گلگت ائیر پورٹ پر کچے پر پھسل گئی جس کے نتیجے میں طیارے کو نقصان پہنچا۔ حادثے کے وقت طیارے میں تقریباً 40 مسافر سوار تھے۔

پی آئی اے کے ترجمان ارشد ملک کے مطابق پی کے 605 کے تمام مسافر خیریت سے ہیں اور کوئی جانی نقصان نہیں ہوا ہے۔

ترجمان پی آئی  اے نے بتایا کہ طیارہ دائیں جانب ونگ کی وجہ سے مکمل طور پر نہیں گر سکا تاہم واقعے کی تحقیقات کا حکم دے دیا گیا ہے۔