باکسرعامر خان کی قومی کرکٹ ٹیم کو بڑی پیشکش

171
فائل فوٹو

پاکستانی نژاد برطانوی باکسر عامر خان کی قومی کرکٹ ٹیم کو بڑی پیشکش، کھلاڑیوں کی فٹنس کے حوالہ سے پاکستان کرکٹ بورڈ کو ٹیم کی مدد کرنے کی پیشکش کر دی۔

سماجی رابطوں کی ویب سائٹ ٹوئٹر پر پاکستانی نژاد برطانوی باکسر عامر خان کی جانب سے ٹوئٹ کیا گیا جس میں ان کا کہنا تھا کہ میں پاکستان کرکٹ ٹیم کی مدد کرنا چاہوں گا۔

عامر خان کا مزید کہنا تھاکہ کھلاڑیوں کو فٹ اور مضبوط رہنے کے لیے مشورہ دینا چاہوں گا اور انہیں یہ بھی بتاؤں گا کہ فوڈ، ڈائٹ اور ٹریننگ میں ڈسپلن کیسے رکھا جاتا ہے۔

باکسر کا کہنا تھا کہ پاکستان کرکٹ ٹیم میں ٹیلنٹ ہے مگر کھلاڑیوں کو اسٹیمنا اور کنڈیشن پر توجہ کو بہتر بنانے کی ضرورت ہے۔