سلیکٹڈ وزیراعظم کو کچھ نہیں پتا، سب وزیر داخلہ کر رہے ہیں، آصف زرداری

18

اسلام آباد (آن لائن) سابق صدر آصف زرداری نے کہا ہے کہ سلیکٹڈ وزیراعظم کو کچھ نہیں پتا، یہ سب وزیر داخلہ کروا رہا ہے۔ کمرہ عدالت میں میڈیا کے نمائندوں سے غیر رسمی گفتگو میں آصف زرداری کا کہنا تھا کہ گرفتاری تھرڈ ورلڈ ممالک میں سیاست کا حسن ہے، میری گرفتاری دباؤ کے حربے ہیں جبکہ میں نے کہا تھا کہ چیئرمین نیب کی کیا مجال، سب حکومت کرتی ہے تاہم عمران خان کو لندن بھاگتا دیکھ
رہا ہوں۔ ایک سوال پر کہ نواز شریف کو پارلیمنٹ سے آؤٹ کیا گیا، کیا آپ پر بھی وہی فارمولا لگایا جارہا ہے؟ آصف زرداری نے کہا کہ فرق کیا پڑے گا؟ میں نہیں ہوں گا تو بلاول ہوگا اور بلاول نہیں ہوگا تو آصفہ ہوگی۔ صحافی کی جانب سے سوال پر کہ نواز شریف نے میمو گیٹ پر اظہار افسوس کیا، آپ کو بلوچستان حکومت گرانے پر افسوس ہے؟ سابق صدر نے کہا کہ سیاست میں انسان کو پوزیشن لینا پڑتی ہے۔
آصف زرداری