متحدہ عرب امارات میں آتشزدگی، 6 پاکستانی جاں بحق

168

متحدہ عرب امارات کے ایک گھر میں لگنے والی آگ میں 6 پاکستانی جھلس کر جاں بحق ہوگئے جن میں سے 4 ایک ہی خاندان کے فرد ہیں۔

بین الاقوامی خبر رساں ادارے کے مطابق متحدہ عرب امارات کے دارالحکومت ابوظہبی کے ایک ولا میں اچانک آگ بھڑک اُٹھی، دیکھتے ہی دیکھتے آگ نے پورے عمارت کو اپنی لپیٹ میں لے لیا اور خوفناک شعلے بلند ہونے لگے۔ آگ اتنی تیزی سے پھیلی کہ فائر بریگیڈ کے پہنچنے سے پہلے ہی گھر مکمل طور پر خاکستر ہو گیا۔

آتشزدگی میں 6 افراد بری طرح جھلس کر جاں بحق ہوگئے جن کا تعلق پاکستان سے ہے جب کہ 6 میں سے 4 افراد ایک ہی خاندان کے ہیں۔ جاں بحق ہونے والوں کی شناخت والد محمد فاروق بیٹے عمر فاروق، خرم، ان کا ایک رشتہ دار علی حیدر جب کہ دیگر دو افراد خیال افضل اور عید نواز کے ناموں سے ہوئی ہے۔