خاتون بچہ ایئرپورٹ پر بھول گئیں، جہاز واپس موڑنا پڑا

304

سعودی ائیرلائن کو اس وقت عجیب و غریب صورتحال کا سامنا کرنا پڑا جب جدہ سے آنے والی پرواز میں سوار خاتون اپنے بچے کو ایئرپورٹ پر ہی بھول گئیں۔

سعودی ایئرلائن کی پرواز نے جدہ سے کوالالمپور جانے کے لئے اڑان بھری تاہم چند منٹ بعد پائلٹ کو جہاز کو واپس جدہ ائیرپورٹ پر اتارنے کی درخواست کرنا پڑی کیونکہ جہاز میں سوار خاتون نے عملے کو بتایا کہ وہ اپنا چھوٹا بچہ بورڈنگ ایریا میں ہی بھول آئی ہیں۔

ائیر کنٹرول آپریٹرز بھی اس عجیب و غریب صورتحال سے پریشان نظر آئے البتہ جہاز کو واپس لینڈ کرنے کی اجازت دے دی گئی ۔ سوشل میڈیا پر پائلٹ اور ائرکنٹرول آپریٹرز کی گفتگو وائرل ہو رہی ہے جس میں پائلٹ پرواز کی واپسی کی درخواست کر رہا ہے جبکہ ایئرٹریفک عملہ حیرت سے واپسی کی وجہ دو بار پوچھتا نظر آتا ہے۔

حرا زرین شعبہ ابلاغ عامہ جامعہ کراچی کی فارغ التحصیل طالبہ ہیں اور عملی صحافت میں قدم رکھ رہی ہیں۔ شاعری اور ادب سے لگاؤ رکھتی ہیں۔