جنوبی افریقا نے زمبابوے کو دوسرے ٹی ٹوئنٹی انٹرنیشنل میچ میں 6 وکٹوں سے ہرا دیا

17

پوٹ چیفسٹروم(جسارت نیوز) جنوبی افریقا نے زمبابوے کو دوسرے ٹی ٹوئنٹی انٹرنیشنل کرکٹ میچ میں 6 وکٹوں سے شکست دے کر3 میچوں کی سیریز میں 2-0 کی برتری حاصل کر لی، فاتح ٹیم نے 133 رنز کا ہدف 16ویں اوور میں 4 وکٹوں پر حاصل کیا، جے پی ڈومینی 33 اور ڈیوڈ ملر 19 رنز بنا کر ناٹ آؤٹ رہے، ڈین پیٹرسن کو عمدہ بولنگ کا مظاہرہ کرنے پر میچ کے بہترین کھلاڑی کا ایوارڈ دیا گیا۔ پوٹ چیفسٹروم میں کھیلے گئے دوسرے ٹی ٹوئنٹی میچ میں زمبابوے نے پہلے کھیلتے ہوئے مقررہ اوورز میں 7 وکٹوں پر 132 رنز بنائے، سین ولیمز 41، برینڈن ٹیلر 29، کپتان ہملٹن مسکڈزا 21 رنز کے ساتھ نمایاں رہے، چیسورو 14 اور ماووتا 7 رنز بنا کر ناٹ آؤٹ رہے، سولومون میر 1، موساکنڈا بغیر کوئی رن بنائے، پیٹر مور 9 اور ایلٹن چیگمبرا 6 رنز بنا کر آؤٹ ہوئے، لونگی نگیڈی، ڈین پیٹرسن اور فرائیلنک نے 2، 2 اور تبریز شمسی نے ایک وکٹ لی۔ جواب میں جنوبی افریقانے مطلوبہ ہدف 15.4 اوورز میں 4 وکٹوں پر پورا کیا، ریسی وانڈر ڈوسن 13، ڈی کوک 26، کپتان ڈوپلیسی 12 اور کلاسن 22 رنز بنا کر آؤٹ ہوئے، جے پی ڈومینی نے 33 اور ڈیوڈ ملر نے 19 رنز بنا کر ٹیم کو کامیابی دلائی، سین ولیمز نے 2، ماووتا اور موفو نے ایک، ایک وکٹ لی۔

Print Friendly, PDF & Email
حصہ

جواب چھوڑ دیں

This site uses Akismet to reduce spam. Learn how your comment data is processed.